Job 33

1 “Ahi zongin Job aw, tu-in ka thugen na ngai dih in; ^a
ka gen khempeuh a vekin limtak na ngai in. ^b
2 Ka kam kong kek ta ding hi;
ka thugente ka leii dawnah a om hi.
3 Ka kammalte lungsim maan pana gingkhia ahi hi; ^c
ka muk in ka theihte citakin a gen hi. ^d
4 Kei, Pasian’ Kha bawlsa ka hi hi. ^e
Thahatpenpa huu in kei hong nungtasak hi. ^f
5 Nong dawn theih leh hong dawng in;
kithawi inla kei hong maituah in. ^g
6 Pasian mai-ah nang tawh ka kibang tektek hi;
Kei zong tungman pana hong kibawl mah ka hi hi. ^h
7 Kong lausak kei ding hi, hong kihta kei in;
nang tungah ka khut kong giksak kei ding hi. ⁱ
8 “Ahi hangin ka zak tangin -
na kammal tektek ka zakin -
9 ‘Mawhna ka nei kei a ka siangtho hi;
ka khial kei a ka siang hi; ^j
10 Pasian in ka sungah mawhna mu veve a,
a galpa-in hong ngaihsun hi.
11 Amah in ka khe ah kol hong bulh a, ^k
ka lampi khempeuh naitakin hong vil hi,’ na ci hi. ^l
12 “Ahi hangin hih lai ah nang khial kong sa hi,
ahang in, mihing sangin Pasian lianzaw hi. ^m
13 Mihingte thugen ^{▼▼33.13 Ahikeh ama sepna tawh bangmah dawng kei tah} dawng kei tah ci-in
bang hangin amah mawh khusak na hi hiam? ^o
14 Mihing in a tel loh hangin Pasian in tu-in khat gena,
tu-in adang khat mah gen hi. ^p
15 Zanin amaute lupna tungah a ihmut hithiat lai, ^q
mite a ihsip laitakin ^r
a mang le a mangmuhna ah
16 amaute bilah va hopih a,
vauhilhna tawh lausak in, ^s
17 gamtat khialhna pan kiheisak a,
kiphatsakna pan kidawmsakin,
18 kawkhuk ^{▼▼33.18 Ahikeh hankhuk tawh kipelhsak} panin a kha kepsak a, ^u
namsau-a ^{▼▼33.18 Ahikeh Gunpi kantanna panin} manthan nading panin a nuntakna kepsak hi. ^w
19 Ahikeh mihing a lupna tungah tawlnga loin ^x
a guh in a teep ngutngutna tawh thu hilh thei hi. ^y
20 Tua pen a hinna in an kih in ^z
a kha in anlimpen a kih nading ahi hi. ^aa
21 Ama satakte bangmah loin beimang a,
khatvei lai-a a guh dawk lo pen tu-in a guhguakin a om hi.
22 Ama kha kawhawm ^{▼▼33.22 Ahikeh amah in hankhuk tawh kinaisak} tawh kinai ta a,
a nuntakna sihna ^{▼▼33.22 Ahikeh sihna ah} kamtaite tawh kinai ta hi.
23 “Mihing adingin thumaan a gensak ding ^ad
vansawltak palai tulkhat lakah
khat a om khak leh zong, ^ae
24 amah hehpih in ama kiangah,
‘Kawhawm ^{▼▼33.24 Ahikeh hankhuk} sunga a paisuk ding pengsak un;
ama kitat nading khat ka mu zo hi,’ - ci ding hi; ^ag
25 tua ciangin a satak naupang aa bangin nosuak kik a; ^ah
a khangno lai hunte bang kik hi. ^ai
26 Amah in Pasian tungah thu ngen in, amah ki-angvan ding a, ^aj
Pasian mai mu-in lungdamin awng ding hi; ^ak
Pasian in thumaana a omna amah pia kik ding hi. ^al
27 Tua ciangin amah mite kiangah pai-in,
‘Ka mawh khina, amaan pen ka lehbulh khin hi, ^am
ahi hangin ka ngah dinga kilawm ka ngah kei hi. ^an
28 Amah in kawhawm ^{▼▼33.28 Ahikeh han sunga paisuk ding pan kei hong tan hi.} sunga paisuk ding ka kha hong tan zo a,
khuavak nuamsa dingin ka nungta ding hi,’ ci ding hi. ^ap
29 “Pasian in hihte khempeuh mihing tungah ^aq
nih vei tham lo thum vei nangawn a hih hi-a -
30 nuntakna khuavak ama tungah tangin, ^ar
kawhawm ^{▼▼33.30 Ahikeh han pan amah kileh kiksak} sung pan a kileh kik nading ahi hi. ^at
31 “Job aw, limtak na ngai in; ^au
na dai inla kei kong pau ding hi.
32 Nong dawn nading khatpeuh a om leh hong dawng in;
paukhia lel in na navak ding kong deihsak hi. ^av
33 Ahi zongin gen ding na neih kei leh ka gen na ngai in;
na dai inla pilna kong hilh ding hi,” a ci hi. ^aw